«Սոցիալական արդարությունը և էթիկայի նորմերը դպրոցներում» ծրագրի շրջանակում տեսահոլովակների պատրաստման բաց մրցույթ

Ժողովրդավարության զարգացման հիմնադրամը (ԺԶՀ) «Սոցիալական արդարությունը և էթիկայի նորմերը դպրոցներում» ծրագրի շրջանակում հայտարարում է տեսահոլովակների պատրաստման ծառայությունների մատուցման բաց մրցույթ։

Ծառայության անվանում՝ «Սոցիալական արդարությունը և էթիկայի նորմերը դպրոցներում» ծրագրի շրջանակում տեսահոլովակների պատրաստում

Ծառայության  մատուցման ժամանակահատված՝ 1 սեպտեմբեր – 25 դեկտեմբեր 2024թ․

Դիմելու վերջնաժամկետ՝  5 օգոստոս, 2024թ․

Առաջին փուլի արդյունքների ծանուցում՝ 12 օգոստոս, 2024թ․

Երկրոդ փուլի վերջնաժամկետ՝  26 օգոստոս, 2024թ․

Պայմանագրի կնքում՝ 2 սեպտեմբեր, 2024թ․

Բյուջե՝ 15,000 ԱՄՆ դոլարին համարժեք ՀՀ դրամ

 

Ծրագրի մասին

Էստոնիայի դեսպանության աջակցությամբ Ժողովրդավարության զարգացման հիմնադրամը և «Կրթություն և համերաշխություն» արհմիությունը (ԿՀԱ) համագործակցությամբ իրականացնում են «Սոցիալական արդարությունը և էթիկայի նորմերը դպրոցներում» ծրագիրը։

Ծրագրի նպատակն է խթանել սոցիալական արդարությունը հանրակրթության ոլորտում՝ բարձրացնելով ուսուցիչների իրազեկվածությունը սոցիալական արդարության հիմնախնդիրների և դրսևորումների վերաբերյալ,  ինչպես նաև  հզորացնել նրանց մասնագիտական կարողությունները և հմտությունները՝ դպրոցում սոցիալական անարդարության դրսևորումները կանխարգելելու, դրանք բացահայտելու և լուծումներ առաջարկելու նպատակով։

Մրցույթի մասին

• Ծրագրի շրջանակում նախատեսվում է 10 տեսահոլովակների պատրաստում։
• Տեսահոլովակները պետք է ներկայացնեն՝

ա) դպրոցական կյանքին և ուսումնական առօրյային վերաբերող իրավիճակներ, վարքագծեր, որտեղ հստակ արտահայտված են սոցիալական անարդարության օրինակներ,

բ) վերոնշյալ իրավիճակին համապատասխան հանրակրթական ուսումնական հաստատությունների բարեվարքության կանոնը,

գ) խնդիրները հանգուցալուծելու գործնական առաջարկներ ու ուղիներ։

• Մրցույթի առաջին փուլը կհաղթահարեն տեխնիկական համապատասխանություն, թեմատիկ փորձառություն ունեցած ընկերություններ/անհատներ։
• Մրցույթի երկրորդ փուլի համար ընտրված երեք հայտատուներին կտրամադրվի հանրակրթության ոլորտում սոցիալական անարդարության խնդրի օրինակ, որի շուրջ դիմորդը պետք է մշակի տեսահոլովակի սցենար։
• ԺԶՀ-ից և ԿՀԱ-ից բաղկացած հանձնաժողովը կկատարի առաջին և երկրորդ փուլի ընտրությունը՝ ելնելով հայտատուի տեխնիկական որակներից, փորձառությունից և ներկայացրած սցենարի ստեղծագործականությունից և հանրամատչելիությունից։
• Հաղթող ընկերությունը/անհատը տեսահոլովակների սցենարական բովանդակությունը, կերպարները, ենթաձայնը և պլանը պետք է համաձայնեցնի ԺԶՀ-ի և ԿՀԱ-ի հետ։
• Տեսահոլովակների ոճային սահմանափակում չկա։
• Տեսահոլովակի տևողությունը պետք է լինի ոչ ավել քան 3 րոպե, ոչ պակաս քան 1,5 րոպե։
• Տեսահոլովակները պետք է ունենան 4K և Full HD ֆորմատ, եռաչափ միջավայր, ձայնի և պատկերի բարձր որակ։
• Տեսահոլովակները հրապարակվելու են լրատվամիջոցներով, ինչպես նաև տարածվելու են սոցիալական մեդիայի հարթակներում։ Տեսահոլովակների հեղինակային և օգտագործման իրավունքը պատկանելու է ԺԶՀ-ին և ԿՀԱ-ին։

 

Մրցույթին դիմելու կարգը

Մրցույթին կարող են դիմել ստեղծագործող անհատներ և ոլորտում գործող մասնագիտացված կազմակերպություններ։

Մրցույթին մասնակցելու պահանջներ

Հայտատուն պետք է ներկայացնի

• Իր կողմից պատրաստված նախկին աշխատանքներից երկու կամ ավելի նմուշներ` անկախ թեմայից (նմուշների հղումներ)։
• Աշխատանքային հստակ և իրատեսական ժամանակացույց։
• Ստեղծագործողի/ստեղծագործող խմբի անդամների ինքնակենսագրական։

 

Մրցույթի ժամկետը

Հայտերն ամբողջական փաթեթով անհրաժեշտ է ուղարկել [email protected] էլեկտրոնային փոստի հասցեին՝ մինչև ս․թ․ օգոստոստի 5-ը։

Հարցերի դեպքում

Մրցույթի հետ կապված հարցերով կարող եք կապ հաստատել ԺԶՀ հաղորդակցության պատասխանատու Եկատերինա Պողոսյանի հետ՝ [email protected] էլեկտրոնային փոստի միջոցով։