Ենթադրամաշնորհների բաց մրցույթ «Մարդու իրավունքները փախստականների հետ և նրանց համար» ծրագրի շրջանակում

Նպատակ և գործողություններ

Ժողովրդավարության զարգացման հիմնադրամը (ԺԶՀ) հրավիրում է ենթադրամաշնորհի հայտադիմում ներկայացնելու ՀՀ-ում գրանցված և գործող Լեռնային Ղարաբաղի (ԼՂ) հասարակական կազմակերպություններին, որոնք ունեն մարդու իրավունքներին առնչվող ծրագրերի իրականացման հաջողված փորձ և նպատակ ունեն լուծելու ԼՂ-ից տեղահանվածների շրջանում առկա մարդու իրավունքների խնդիրները։

Ենթադրամաշնորհի նպատակն է քննարկումների միջոցով վերհանել առաջնային կարևորություն ունեցող խնդիրները, որոնց բախվում են ԼՂ-ից տեղահանվածները, և քայլեր ձեռնարկել դրանց լուծման համար։ Մրցույթի շրջանակում ենթադրամաշնորհ կտրվի երեք կազմակերպության՝ անցկացնելու հինգ քննարկում (երկուսը Երևանում և երեքը մարզերում) տեղահանվածների տարբեր խմբերի հետ և իրականացնելու ծրագրեր՝ ուղղված մարդու իրավունքների արձանագրված խնդիրների լուծմանը։ Ակնկալվում է, որ ընտրված կազմակերպությունները սերտ կաշխատեն ԺԶՀ-ի հետ՝ ապահովելու աշխատանքում իրավունքահեն մոտեցում։ Քննարկումների կազմակերպման հետ կապված ծախսերը կիրականացվեն ԺԶՀ-ի կողմից։

Ծրագրի իրականացման արդյունքում ակնկալվում է․

1․ ԼՂ-ից տեղահանված համայնքի ներկայացուցիչները կբարձրաձայնեն իրենց մտահոգությունները,

2․ Կքարտեզագրվեն մարդու իրավունքների խնդիրները, որոնց բախվում են ԼՂ-ից տեղահանվածները,

3․ Քայլեր կձեռնարկվեն հավաքագրված խնդիրների լուծման համար։

Մրցույթին կարող են դիմել հետևյալ երկու պահանջներին բավարարող կազմակերպությունները․

• ՀՀ պետական ռեգիստրում գրանցված և ՀՀ-ում գործունեություն իրականացնող շահույթ չհետապնդող կազմակերպությունները,
• Շահույթ չհետապնդող կազմակերպությունները, որոնք իրենց ղեկավար կազմում ունեն փախստականի կարգավիճակ ունեցող անձինք (տնօրեն կամ փոխտնօրեն)։

 

Ենթադրամաշնորհների մրցույթի ընդհանուր բյուջեն կազմում է 150,000 Եվրոյին համարժեք ՀՀ դրամ։ Մրցույթի շրջանակում 3 առանձին ենթադրամաշնորհ կտրամադրվի երեք կազմակերպության (յուրաքանրյուրին 50,000 Եվրոյին համարժեք ՀՀ դրամ )՝ 12-ից (նվազագույնը) մինչև 24 (առավելագույնը) ամիս տևողությամբ ծրագիր իրականացնելու համար։

Գործողությունների տեսակներ, որոնք կարող են իրականացվել ծրագրի նպատակին հասնելու համար (ներքոնշյալ ցանկը ուղղորդող է և ոչ սպառիչ)․

• Հասցեագրել տեղահանված բնակչության շրջանում մարդու իրավունքների խախտումները,
• Իրականացնել ջատագովության արշավներ՝ տեղահանվածների իրավունքների առավել արդյունավետ պաշտպանության համար,
• Իրականացնել հասարակական նախաձեռնություններ (օրինակ՝ թիրախային քննարկումներ), որոնք կնպաստեն ԼՂ-ից տեղահանվածների շրջանում առկա մարտահրավերների վերհանմանը,
• Վերհանել փախստականների այն մտահոգությունները, որոնք հանրային խոսույթից դուրս են մնում։

 

Ծրագրի իրականացման ընթացքում արգելվող գործողություններ․

• Իրականացնել գործողություններ, որոնք վերաբերում են միայն/հիմնականում՝ աշխատաժողովներին, սեմինարներին, կոնֆերանսներին և կոնգրեսներին մասնակցելուն,
• Իրականացնել գործողություններ, որոնք վերաբերում են միայն/հիմնականում անհատական կրթաթոշակներին՝ ուսման կամ վերապատրաստման դասընթացների համար,
• Տրամադրել դրամաշնորհներ այլ կազմակերպություններին կամ անհատներին,
• Դրսևորել խտրականություն անհատների կամ խմբերի նկատմամբ՝ նրանց սեռի, սեռական կողմնորոշման, կրոնական համոզմունքների կամ դրանց բացակայության, նրանց էթնիկ ծագման հիման վրա,
• Ցուցաբերել աջակցություն քաղաքական կուսակցություններին։

 

Ծրագրի իրականացման ընթացքում արգելվող ծախսեր․

• Պարտքեր և պարտքի սպասարկման վճարների (տոկոսներ) մարում, վնասների կամ հնարավոր ապագա պարտավորությունների համար պահուստ,
• Հողատարածքների, անշարժ և շարժական գույքի ձեռքբերում,
• Արտարժույթի փոխանակման կորուստներ,
• Ոչ դրամական ներդրումներ (բացառությամբ կամավորների աշխատանքի),
• Պարգևավճարներ, որոնք ներառված են անձնակազմի ծախսերում,
• Վարկեր երրորդ անձանց,
• Պետական ծառայողների, պատգամավորների աշխատավարձի ծախսեր։

 

Ընտրության կարգը

Դիմորդները պետք է ուղարկեն ծրագրի առաջարկները էլեկտրոնային եղանակով, հայերեն [email protected] հասցեին մինչև հունիսի 16-ը՝ ժամը 18։00: Ծրագրի առաջարկի հայտաձևը հասանելի է հայերենով: Ծրագրի բյուջեն անհրաժեշտ է ներկայացնել Եվրոյով։

Անհրաժեշտ փաստաթղթերի ցանկ (ավելի մանրամասն ներկայացված է հայտաձևում)․

• Ծրագրի առաջարկի հայտաձև մանրամասն բյուջեով,
• Կազմակերպչական կառուցվածքի նկարագիր,
• Կազմակերպության կանոնադրություն,
• Կազմակերպության ներքին կանոնակարգ,
• Պետռեգիստրի վկայական,
• Տարեկան ֆինանսական վերջին հաշվետվությունը,
• Երեք երաշխավորական նամակ,
• Տարեկան աուդիտի եզրակացություն (2024թ․) — առկայության դեպքում։

 

Ծրագրի առաջարկները կգնահատվեն հանձնաժողովի կողմից հետևյալ չափանիշների հիման վրա․

Չափանիշ	Միավոր[1]
Մարդու իրավունքներին առընչվող ծրագրերի իրականացման հաջողված փորձ ԼՂ-ից տեղահանվածների հետ աշխատանքի փորձ	0-10 0-10
Ենթադրամաշնորհն իրականացնելու համար անհրաժեշտ կադրային և ֆունկցիոնալ կարողություններ	0-20
Նախաձեռնության շրջանակում իրականացվող ծրագրերի (առնվազն հինգ) հստակ կառուցվածք	0-20
Բյուջեի ողջամիտ բաշխում՝ համապատասխանեցված ծրագրային գործողությունների հետ	0-20
Իրատեսական մոտեցում, թե ծրագրի իրականացումն ինչպես է ներառելու տեղահանված անձանց տարբեր խմբերի տեսակետները	0-20

 

Հայտաձևին առնչվող հարցերին պատասխանելու նպատակով տեղի կունենա տեղեկատվական հանդիպում ԺԶՀ գրասենյակում մայիսի 30-ին` ժամը 15:00-ին: Հանդիպմանը գրանցվելու համար պետք է նախապես ուղարկել նամակ [email protected] էլեկտրոնային հասցեին մինչև մայիսի 27-ը՝ ժամը 18:00:

Ծրագրի մասին

Ենթադրամաշնորհը տրամադրվում է «Մարդու իրավունքները փախստականների հետ և նրանց համար» ծրագրի շրջանակում, որն իրականացվում է Եվրոպական միության աջակցությամբ՝ Ժողովրդավարության զարգացման հիմնադրամի, Փախստականների հարցերով էստոնական խորհրդի, Ընդդեմ կանանց նկատմամբ բռնության կոալիցիայի և Քըմիթ Գլոբըլ կազմակերպության կողմից: Ծրագիրն ուղղված է Լեռնային Ղարաբաղի փախստականների աջակցմանն ու հզորացմանը՝ նրանց իրավունքների մասին գիտելիքի և իրազեկվածության բարձրացման, նրանց համար նախատեսված ծառայությունների և հնարավորությունների մասին տեղեկատվության հասանելիության ապահովման միջոցով։

Կազմակերպության մասին

Ժողովրդավարության զարգացման հիմնադրամը (ԺԶՀ) ձգտում է նպաստել Հայաստանում ժողովրդավարության, անվտանգության և մարդու իրավունքների առաջխաղացմանը՝ աջակցելով ժողովրդավարության կողմնակիցներին և ստեղծելով ընդհանուր արժեքների և փորձի վրա հիմնված գործընկերություններ։

Մեր տեսլականն է այն Հայաստանը, որտեղ երաշխավորված են քաղաքացիների իրավունքներն ու ազատությունները, արժանապատվությունը, խաղաղությունը, անվտանգությունը, քաղաքացիական մասնակցությունը և սոցիալական արդարությունը։

ԺԶՀ-ն համախմբում է քաղաքացիական հասրակության կազմակերպություններին՝ զարգացնելով ՔՀԿ-ների ամուր դաշինքներ՝ ի շահ Հայաստանի քաղաքացիների։

 

[1] Գնահատման գործընթացը ներառում է միավորային համակարգի կիրառում (0-ից 100 միավոր) ներկայացված հայտերը գնահատելու համար։