Դրամաշնորհի չափը 3,391,200 ՀՀ դրամ

Նպատակը: Ծրագիրը արտակարգ ինստիտուցիոնալ աջակցություն կտրամադրրի «Հետաքննող լրագրողներ» ՀԿ-ին` դիմակայելու գլոբալ գործոնների հետևանքով առաջացած ֆինանսական մարտահրավերներին։ Այս աջակցության շնորհիվ Հետաքննող լրագրողներ, ՀԿ-ն կկարողանա շարունակել «Մեդիա գործարան» կրթական ծրագիրը՝ զարգացնելով լրագրողական կրթությունը, փաստերի ստուգումն ու հետաքննողական լրագրությունը երկու ամիս շարունակ՝ միաժամանակ մշակելով ավելի կայուն զարգացման ռազմավարություն։

Դրամաշնորհի չափը 500,000 ՀՀ դրամ

Նպատակը: Ծրագրի նպատակն է բացահայտել Հայաստանում երիտասարդների քաղաքական մասնակցության մակարդակը՝ օգտագործելով ֆոկուս խմբերի մեթոդը, ուսումնասիրել միջազգային հաջողված փորձը և մշակել կրթական ու հանրային հաղորդակցության գործիքակազմ՝ խթանելու նրանց գիտակցված ներգրավվածությունը ժողովրդավարական գործընթացներին:

Դրամաշնորհի չափը 9,592,644 ՀՀ Դրամ

Նպատակը: Ծրագրի նպատակն է նպաստել Հայաստանում ներքին զարգացումների և այլ երկրների հետ հարաբերությունների հետ կապված ապատեղեկատվության դեմ պայքարին՝ տեղեկատվական հոսքի մշտադիտարկման, փաստերի ստուգման և հրապարակումների միջոցով: Նախաձեռնությունը կուսումնասիրի և կբացահայտի կեղծ և ապակողմնորոշող պատմույթները, որոնք տարածվում են տարբեր արտաքին և տեղական աղբյուրների կողմից՝ հատկապես ուշադրության տակ պահելով Հայաստանում ապրող տարբեր համայնքներին թիրախավորող նյութերը:

Դրամաշնորհի չափը 10,139,593 ՀՀ Դրամ

Նպատակը: Ծրագրի նպատակն է մեդիա հարթակ տրամադրել ՀՀ ներգաղթած համայնքների լրագրողների համար՝ լուսաբանելու Հարավային Կովկասի ընթացիկ զարգացումները ռուսալեզու լսարանի համար, ինչպես նաև դիմակայելու ավտորիտար քարոզչությանը և ապատեղեկատվությանը՝ փաստերի վրա հիմնված մեդիա բովանդակության միջոցով: Ծրագրի շրջանակներում Լավա մեդիա-ն, որը սկիզբ է առել Ալիք մեդիայի ռուսալեզու AliqRu հարթակից, հոդվածներ, տեսանյութեր և թոք-շոուներ կհրապարակի՝ համալրված ուրույն վերլուծություններով և ինֆոգրաֆիկ տեղեկությամբ: Նյութերը կներառեն Հայաստանի և հարևան երկրների քաղաքական, տնտեսական և սոցիալական խնդիրների լայն շրջանակը՝ ապահովելով տարածաշրջանային իրադարձությունների համապարփակ լուսաբանումը:

Դրամաշնորհի չափը 1,940,800 ՀՀ Դրամ

Նպատակը: Ծրագրի նպատակն է բարելավել 2024թ. մայիսին Տավուշի մարզում հեղեղումների պատճառով առաջացած վնասների վերացմանն ուղղված հանրային միջոցների արդյունավետ կառավարումը՝ մասնավորապես տեղական ինքնակառավարման մարմինների կատարած ծախսերի և աշխատանքների թափանցիկության և հանրային հաշվետվողականության մակարդակի բարձրացման, աղետների ռիսկերի կառավարման համայնքային գործընթացներում հանրային իրազեկվածության և ներգրավվածության բարձրացման միջոցով: Ծրագիրը մասնավորապես նախատեսում է Իջևանի, Դիլիջանի, Նոյեմբերյանի տեղական ինքնակառավարման մարմինների կատարած ծախսերի մոնիտորինգի իրականացում, համայնքային քննարկումների անցկացում և մարզում հանրային իրազեկվածության արշավի կազմակերպում։

Դրամաշնորհի չափը 1,940,800 ՀՀ Դրամ

Նպատակը: Ծրագրի նպատակն է նպաստել աղետների հետևանքների վերացման գործընթացին ՀՀ Լոռու և Տավուշի մարզերի բնակավայրերում, վերհանել անտեսանելի խնդիրները և ռեպորտաժների միջոցով ապահովել դրանց լայն հանրայնացումը տեղական և ազգային մակարդակներում։ Ծրագրի շրջանակում «Քաղաքացու ձայն» մեդիա-հարթակի ռեպորտաժների ու ֆոտոշարքերի միջոցով կվերհանվեն աղետի հետևանքով առաջացած սոցիալ-տնտեսական, գյուղատնտեսական, ենթակառուցվածքային, բնապահպանական խնդիրները և դրանց հետևանքների վերացմանն ուղղված գործընթացների բացերը։ Ծրագիրը նպատակ ունի նաև համախմբել աղետի գոտում գործող քաղաքացիական հասարակությանը, երիտասարդներին, ֆերմերներին աղետի գոտում հետևանքների վերացմանն ուղղված խնդիրների հանրայնացման և հետևանքների վերացմանն ուղղված շահերի պաշտպանության գործընթացների շուրջ։

Դրամաշնորհի չափը 1,940,800 ՀՀ Դրամ

Նպատակը: «Դիմակայուն Տավուշ» ծրագրի նպատակն է բարձրացնել Տավուշի մարզի բնակչության, մասնավորապես տեղական ՀԿ-ների, երիտասարդական կազմակերպությունների և տեղական ինքնակառավարման մարմինների իրազեկվածության և դիմակայունության մակարդակը աղետների ռիսկի կառավարման ոլորտում՝ մարզին պատուհասած վերջին բնական աղետից հետո։ Այս թեմայով Տավուշի մարզի 4 խոշորացված համայնքների կենտրոններում՝ Իջևանում, Դիլիջանում, Բերդում, Նոյեմբերյանում դասընթացներ կկազմակերպվեն՝ներգրավելով տեղական ինքնակառավարման մարմինների, տեղական ՀԿ-ների, երիտասարդական կենտրոնների ներկայացուցիչներին։ Ծրագիրը նախատեսում է դասընթացների հիման վրա հաղորդումների պատրաստում ու տարածում Տավուշ Մեդիա հեռուստատեսությամբ, կայքով և սոցիալական ցանցերով: